رسالة من زوج إلى زوجته !!

اتنين متجوزين من عشرين سنة ..

ياصبر أيوب .. عشرين سنه

قرروا يروحوا يصيفوا ع البحر بنفس الفندق اللى قضوا فيه شهر العسل زمان

لكن الزوجة كانت مشغولة فاتفقت مع زوجها على إنه يسافر لوحده

و هى ح تلحقه بعد يومين

وصل الزوج ع الفندق و دخل الغرفة

فوجد كمبيوتر بالغرفة و متوصل بكابل الانترنت فقال: فرصة .. الواحد يدخل منتدى محمد رحيمة

وبعد كدا أبعت ايميل لزوجتى أطمئنها فيه عن أحوالى

بعد ماكتب الرسالة وهو بيكتب عنوان البريد الالكترونى لزوجته أخطأ فى كتابة حرف فى العنوان

و بالطبع راح الايميل لشخص تانى تصادف إنه كان لأرملة لسة راجعة من مراسم دفن زوجها اللى توفاه الله بنفس اليوم ..

الست الأرملة فتحت الكمبيوتر بتاعها لتقرأ ايميلات التعازى

وقعت ع الأرض مغمى عليها بلحظة دخول ابنها اللى حاول يسعفها بكل الطرق و لم يفلح فى إفاقتها

نظر الابن إلى كمبيوتر والدته و قرأ الرسالة التالية :

زوجتى العزيزة .. وصلت بخير .. و يمكن تتفاجئى لأنك ح تعرفى أخبارى عن طريق الانترنت

لأنه دلوقتى بقى فيه كمبيوتر عندهم و يقدر الواحد يبعت أخباره لأهله و أحبابه يوم بيوم

أنا بقى لى ساعة واصل

و تأكدت إنهم جهزوا المكان و كل شىء

و مش باقى غير وصولك لعندى هنا بعد يومين إشتقت لك كتير و مشتاق أشوفك و باتمنى تكون رحلة سريعة زى رحلتى

ملاحظة : مش ضرورى تجيبى ملابس كتيرة معاكى لأن هنا الحر شديد قوى قوى يعنى جهنم !!!!!!